ლატექსი
NPLG Wiki Dictionaries გვერდიდან
ლატექსი − (ლათ. latex სითხე, წვენი, კაუჩუკისმაგვარი პოლიმერის წყლის კოლოიდური დისპერსია, სხვადასხვა ელასტიკურობის მქონე რეზინის ნაკეთობების დასამზადებლად. ნატურალური ლატექსი – სითხე, რომელიც გარეგნულად რძეს ჩამოჰგავს. მისი გამოყენების არეალი ძალიან ფართოა. მშენებლობაში ლატექსისგან ამზადებენ: საღებავებს, ტრანსპორტიორის ლენტებს, ამძრავი მექანიზმის ქამრებს, ცემენტ-ლატექსის ნარევს (პოლიმერბეტონის ელასტიკური ზედაპირის მისაღებად), ჰიდროტექნიკური ნაგებობის გასამაგრებელ დეტალებს და ელემენტებს, ლატექსის წებოებს, რომელიც ერთმანეთთან აწებებს მინას, ფაიფურს, ქვას, აგურს, ლითონს, მერქანსა და სხვ. საგზაო მშენებლობაში ის გამოიყენება ბიტუმის დანამატად, სამთო საქმეში – შახტებში ხანძრის ჩასაქრობად და სხვ.
