კრისტალი
კრისტალი − (ბერძ. krystallos ყინული, მთის ბროლი, ლიპყინული), – მყარი მაგარი სხეული, რომელსაც ბუნებრივად აქვს სწორი, სიმეტრიული მრავალკუთხედის ფორმა. მასში ატომები განლაგებულია კანონზომიერად, რომლებიც ქმნის სამგანზომილებიან პერიოდულ სივრცით წყობას – კრისტალურ მესერს. არსებობს იდეალური კრისტალი (მათემატიკოსებისათვის) და რეალური კრისტალი (პრაქტიკოსი ინჟინრებისათვის).
კრისტალების შემსწავლელი ფიზიკური დარგებია: კრისტალგრაფია, სტრუქტურული კრისტალგრაფია, კრისტალოპტიკა, კრისტალფიზიკა და კრისტალქიმია. არსებობს კრისტალის სახეები: ალმასის, არაორიენტირებული, დაზრდილი, დეტექტორული, ენანტომორფული, ერთღერძა, თხევადი, იდეალური, იზომორფული, კამერული, კოლოიდური, მოწესრიგებული, ნემსისებრი, ორიენტირებული, ორღერძა, რეალური, სვეტისებრი, სრულყოფილი, სცინტილაციური, ტოლღერძა, ფირფიტოვანი, ჩაზრდილი, წონასწორული, წყლიანი, ჭოგრა და სხვ.
