კოჭი (სამშენებლო ტერმინი)
კოჭი − ძელის სახის კონსტრუქციული ელემენტი, რომელიც ძირითადად მუშაობს ღუნვაზე. მას ფართოდ იყენებენ მშენებლობასა და მანქანათმშენებლობაში: შენობების, ხიდების, ესტაკადების, სატრანსპორტო საშუალებების, მანქანების, ჩარხებისა და სხვათა კონსტრუქციებში.
კოჭს ძირითადად ამზადებენ ხის, ბეტონისა და ლითონისაგან. საყრდენების რაოდენობაზე დამოკიდებულებით კოჭი შეიძლება იყოს ერთ და მრავალმალიანი, კონსოლური და ჩამაგრებული ბოლოებით. განივი კვეთის ფორმის მიხედვით – მართკუთხა, ტესებრი, ორტესებრი და სხვ. კონსტრუქციული სქემის მიხედვით – ჭრილი ან უჭრი.
მშენებლობაში გამოყენებული კოჭის სახეებია: ამწის, ამწისქვეშა, ასაწყობი, ბაქნის, გადახურვის, გამჭოლი, განივი, განმბჯენი, გაძლიერებული, გრძივი, დაარმატურებული, დაკიდებული, დამჭერი, დამხმარე, დაწებებული, დრეკად ფუძეზე, ერთქანობიანი, კონსოლური, იატაკის, კავში-რის, კილის, კილოიანი, კოლოფისებრი კვეთის, ლითონის, ლურსმნული, მართკუთხა კვეთის, მარტივი, მზიდი, მთავარი, მთლიანი, მთლიანკედლიანი, მილისებრი, მიმმართველი, მორისქვეშამოქლონილი, მრავალმალიანი, მრავალსაყრდენიანი, მუდმივი კვეთის, გაგლინული, ორმალიანი, ორსაყრდენიანი, ორტესებრი კვეთის, ორქანობიანი, პლასტმასის, რელსის, რკინაბეტონის, რკინაკერამიკული, საბორტე, საყრდენი, სახსროვანი, სახსროვან-კონსოლური, სიხისტის, სოგმანებზე, სტატიკურად რკვევადი, სტატიკურად ურკვევი, ტესებრი კვეთის, უჭრი, ფანერის, ღუნვადი, შედგენილი, შენადუღი, შველერის, შპრენგელური, შუალედურსახსრიანი, ცვლადი კვეთის, წიბოვანი, წინასწარ დაძაბული, წირწკიმალებზე, ჭრილი, ხეფანერის, ხიდის, ხისტი, ხისა და სხვ.
