კონფიგურაცია (გეომეტრიაში)
NPLG Wiki Dictionaries გვერდიდან
კონფიგურაცია გეომეტრიაში – წერტილთა, წრფეთა და სიბრტყეთა სასრული სიმრავლე, რომლებიც ერთმანეთთან დაკავშირებულნი არიან ურთიერთ ინციდენტურობის დამოკიდებულებით. კონფიგურაცია შეიძლება იყოს როგორც ბრტყელი, ისე სივრცითი.
ბრტყელი კონფიგურაცია − სიბრტყეზე წერტილთა p და წრფეთა α სასრული სისტემა, რომლებიც ისე არიან განლაგებულნი, რომ სისტემის ყოველი წერტილი ინციდენტურია ამ სისტემის წრფეთა ერთი და იგივე γ რიცხვისა, ხოლო ყოველი წრფე ინციდენტურია ამ სისტემის წერტილთა ერთი და იგივე π რიცხვისა.
სივრცითი კონფიგურაცია − წერტილთა და სიბრტყეთა ისეთი სასრული სისტემა, რომ სისტემის ყოველი წერტილი ინციდენტურია ამ სისტემის სიბრტყეთა ერთი და იგივე რიცხვისა, ხოლო ყოველი სიბრტყე ინციდენტურია ამ სისტემის წერტილთა ერთი და იგივე რიცხვისა.