კახეთის მაჩიტა
NPLG Wiki Dictionaries გვერდიდან
კახეთის მაჩიტა - ოჯახი: მაჩიტასებრნი (Campanulaceae). მრავალწლიანი ბალახოვანი მცენარეა. მონაცრისფროა, წვრილი ხშირი ბუსუსებით. საყვავილე ღეროები 15 სმ-მდე სიმაღლისაა, წამოწეული ან რკალივით გადაღუნული. ფოთლები ტყავისებურია, შებუსული. კიდეზე ტალღისებური, არათანაბრად დაკბილული. ყუნწი ვიწროფრთიანია, ფორმით ფართო, სამკუთხა კვერცხისებურია. ღეროსეული ფოთლები შედარებით პატარაა. ფართო, მომრგვალო კვერცხისებური. სულ ზედა კი სამკუთხა კვერცხისებურია. ყვავილები თეთრია. ნაკვთები გარედან ხშირბეწვიანია. ყვ. ნაყ. VI-VIII. იზრდება კირქვიან კლდეთა ნაპრალებში. კახეთის ენდემური მცენარეა. ის ცნობილია არწივის ხეობიდან (დედოფლისწყაროს მიდამოები). მცენარე აღწერილია დედოფლისწყაროს ტერიტორიაზე გასული საუკუნის 30-იან წლებში.
