კაპა
NPLG Wiki Dictionaries გვერდიდან
კაპა – მე-4 რიგის ბრტყელი ალგებრული წირი. მართკუთხა კოორდინატებში მისი განტოლებაა:
- (x2+y2)y2 = a2x2,
პოლარულ კოორდინატებში:
- p=a ctgφ.
კაპა არის კოორდინატთა სათავიდან იმ a რადიუსის წრეწირისადმი გავლებული მხებების შეხების წერტილთა სიმრავლე, რომლის ცენტრი გადაადგილდება 0x ღერძის გასწვრივ.
კაპა სიმეტრიულია 0x და 0y ღერძების მიმართ. ასიმპტოტებია y= ± a წრფეები.
კაპა ფორმით ბერძნული ასო κ-ს (კაპა) მსგავსია, საიდანაც წარმოიშვა მისი სახელი.