კალანდია არჩილ
არჩილ კალანდია − (Archil Kalandia) 2018-დან – საქართველოს საგანგებო და სრულუფლებიანი ელჩი ჩინეთის სახალხო რესპუბლიკაში
დაიბადა: 28 თებერვალი, 1983 წელი, ქ. თბილისი, საქართველო.
განათლება:
1999-2004 − თბილისის აზიისა და აფრიკის]] ინსტიტუტი. აღმოსავლეთის ქვეყნების ეკონომიკური ფაკულტეტი.
ჩინური ენისა და აღმოსავლეთის ქვეყნების ეკონომიკის სპეციალისტი;
2010-2013 − საქართველოს ტექნიკური უნივერსიტეტი. ბიზნეს ინჟინერინგის ფაკულტეტი. მინიჭებული აქვს სოციალური მეცნიერებების დოქტორის
აკადემიური ხარისხი.
სამუშაო გამოცდილება:
2005-2006 − საქართველოს საგარეო საქმეთა სამინისტრო. აღმოსავლეთის საქმეთა დეპარტამენტის ატაშე;
2006-2007 − საქართველოს საგარეო საქმეთა სამინისტრო. გლობალური ურთიერთობების დეპარტამენტის მესამე მდივანი;
2007-2014 − ჩინეთის სახალხო რესპუბლიკაში საქართველოს საელჩოს პირველი მდივანი; ასევე, კონსულის მოვალეობის
შემსრულებელი (2010-2012) და ელჩის მოვალეობის შემსრულებელი (2013-2014);
2014-2017 − საქართველოს საგარეო საქმეთა სამინისტრო. აზიის, აფრიკის, ავსტრალიისა და ოკეანეთის ქვეყნების დეპარტამენტის მრჩეველი;
2015-2017 − კავკასიის უნივერსიტეტი. მიწვეული ლექტორი;
2015-2017 − ანდრია პირველწოდებულის სახელობის ქართული უნივერსიტეტი. მიწვეული ლექტორი;
2017-2018 − ჩინეთის სახალხო რესპუბლიკაში საქართველოს საელჩოს უფროსი მრჩეველი.
ავტორია მონოგრაფიისა „ჩინეთის ტრანსფორმაცია XXI საუკუნეში“ (2015) გამოქვეყნებული აქვს 20-მდე სამეცნიერო ნაშრომი და სტატია ჩინეთის გახსნილობისა და რეფორმების პოლიტიკის შესახებ.
ფლობს: ინგლისურ, ჩინურ და რუსულ ენებს.
მინიჭებული აქვს საგანგებო და სრულუფლებიანი დესპანის დიპლომატიური რანგი.
ჯილდოები:
2013 − ჩინეთში გამოცემულ ჟურნალ „Wine in China“-ს მიერ დაჯილდოვდა საპატიო სიგელით, ჩინეთის სახალხო რესპუბლიკაში ღვინის კულტურის განვითარებაში შეტანილი განსაკუთრებული წვლილისთვის;
2014 − ჩინეთის უცხოეთთან მეგობრობის ასოციაციის მიერ დაჯილდოვდა საპატიო სიგელით „International Friendly Ambassador“;
2014 − თბილისის თავისუფალი უნივერსიტეტის კონფუცის ინსტიტუტის მიერ დაჯილდოვდა მადლობის სიგელით, საქართველოსა და ჩინეთის სახალხო რესპუბლიკას შორის კულტურის სფეროში ურთიერთობების განვითარებაში შეტანილი განსაკუთრებული წვლილისთვის.