კაბოტი ჯოვანი
NPLG Wiki Dictionaries გვერდიდან
ჯოვანი (ჯონ) კაბოტი – (იტალ. Giovanni Caboto, დაახ. 1450-1498 წ,წ.), იტალიელი მოგზაური.
დაიბადა გენუაში. მისი ნამდვილი გვარია კაბოტო. 1484 წ. თავის ვაჟ სებასტიანთან ერთად ვენეციიდან გაემგზავრა ინგლისში. 1497 წ. ჯონ კაბოტმა აღმოაჩინა ჩრდილო ამერიკის ჩრდილო-აღმოსავლეთი ნაწილები და გამოიკვლია მდინარე წმ. ლავრენტის შესართავი. მეორე მოგზაურობის დროს (1498 წ. კაბოტმა შემოიარა ჩრდილო ამერიკის მთელი სანაპირო ნიუ-ფაუნდლენდიდან ფლორიდამდე.
