იონი
NPLG Wiki Dictionaries გვერდიდან
იონი – (ბერძნ.) იონიელთა მითოსური მამამთავარი. აპოლონის და ათენის დედოფლის, კრეუსას ძე.
დედისგან მიტოვებული იონი ჰერმესმა დელფოში ჩაიყვანა, სადაც აღიზარდა კიდეც. როდესაც კრეუსამ იქორწინა ქსუთოსზე და აღარ შეეძინა შვილი, დელფოს ორაკულის მეშვეობით მიაგნო იონს და ათენში, თავის სასახლეში მიიწვია. ასე დასახლდა იონი პელოპონესოსში, რომლის მკვიდრთა ნაწილსაც, მისი სახელის მიხედვით, იონიელები შეერქვა. მოგვიანებით იონი ათენის ტახტზე აღზევდება, ხოლო მისი შვილები ატიკის ოთხი უძველესი ტომის ეპონიმები შეიქმნებიან.
ამ თემაზეა აგებული ევრიპიდეს ტრაგედია სახელწოდებით „იონი“.
