ჭავჭანიძე ივანე
ჭავჭანიძე ივანე იოსების ძე (დ. - 1886. დაბ. ხონი - გ. - 1946) - სოციალ-დემოკრატი.
დაამთავრა მოსკოვის უნივერსიტეტის მათემატიკის ფაკულტეტი. სტუდენტობიდანვე შეუერთდა მენშევიკურ ფრაქციას. იყო წერა-კითხვის გამავრცელებელი საზოგადოების ხონის განყოფილების სათეატრო სექციის წევრი. აგრეთვე, ამავე ორგანიზაციის ხონის განყოფილების ნამდვილი წევრი 1914 წლიდან. უმაღლესი განათლება მიიღო მოსკოვის უნივერსიტეტში, მათემატიკის ფაკულტეტზე.
1917 იყო ხონის ქალაქის თავი. 1919-21 წლებში იყო საქართველოს დემოკრატიული რესპუბლიკის დამფუძნებელი კრების წევრი. შედიოდა სამანდატო და საფინანსო კომისიებში, იყო გზათა კომისიის თავმჯდომარე.
1921 წავიდა ემიგრაციაში ცხოვრობდა საფრანგეთში. დაკრძალულია ლევილის ქართულ სასაფლაოზე.
- ნოდარ ჩხაიძე
ლიტერატურა
ი. ხვადაგიანი, საქართველოს დამფუძნებელი კრება 1919, თბ., 2016.
იხილე აგრეთვე
წყარო
საქართველოს დემოკრატიული რესპუბლიკა (1918-1921) ენციკლოპედია-ლექსიკონი