იამოსი
NPLG Wiki Dictionaries გვერდიდან
იამოსი – (ბერძნ.) წინასწარმეტყველი, აპოლონის ძე, პოსეიდონის ბადიში.
იამოსი აღზარდა არკადიის მეფე ეპიტოსმა. აპოლონის ნებით იგი ოლიმპიაში დასახლდა, სადაც დაიწყო მკითხაობა ფრთოსანთა ხმასა და მსხვერპლად შეწირულ ცხოველთა ალმოდებულ ტყავზე. იამოსი ითვლება ოლიმპიის ქურუმთა მითოსურ მამამთავრად. მის ჩამომავლებს იამიდებად მოიხსენიებენ.