ია
NPLG Wiki Dictionaries გვერდიდან
ია – (Viola suavis) – იისებრთა ოჯახის მრავალწლოვანი, იშვიათად ერთწლოვანი სამკურნალო მცენარე.
ეგუება ნახევრად დაჩრდილულ (მეჩხერი ტყე) და დაუჩრდილავ პირობებს. მცენარის სიმაღლეა 0.1–0.15მ. ყვავილობს თებერვალ-აპრილში, თესლი მწიფდება აპრილ-ივნისში. კარგად იზრდება სხვადასხვა მექანიკური შედგენილობის, კარგად დრენირებად ტენიანმჟავე, ნეიტრალურ და ტუტე ნიადაგებზე. შეიცავს ალკალოიდ ვიოლინს, ვიტამინებს და ეთეროვან ზეთს. გამოიყენება ხალხურ მედიცინაში. საფრთხის წინაშეა კომერციული მიზნით შეგროვების გამო.