თმოგვი (სოფელი)

თმოგვი, (მარგასტნი) – სოფელი საქართველოში, ასპინძის მუნიციპალიტეტში, ნაქალაქევის თემში, მდინარე მტკვრის მარჯვენა მხარეს, ზღვის დონიდან 1190-1300 მ სიმაღლეზე, დაბა ასპინძიდან 23 კმ მანძილზე.

მოსახლეობის რიცხოვნობა – 359. საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში. მოსახლეობის უდიდესი ნაწილი (99 %) ქართველი (2002).

ძველად სელისაგან ზეთს ხდიდნენ. თმოგვი იყო ქართველ დიდგვაროვანთა საგვარეულოს – თმოგველების ადგილსამყოფელი. შემორჩენილია შუა საუკუნეების თმოგვის ციხე. მიდამოებში არის კლდეში ნაკვეთი გამოქვაბულები – ბერისხევი და ბერთაყანა. 1945 წლამდე სოფელს ერქვა თმოგვი.

წყარო

სამცხე-ჯავახეთი: ცნობარი