ზეფიროსი
NPLG Wiki Dictionaries გვერდიდან
ზეფიროსი – (ბერძნ.) დასავლეთის ქარი. თბილი და საამო ნიავის განსახიერება. ზეფიროსი ასტრეოსისა და ეოსის ძეა, ბორეასის (ჩრდილოეთის ქარის) ძმა. ჰომეროსის თანახმად, ზეფიროსი „ნეტართა კუნძულებზე“ ბინადრობს.
ზეფიროსმა ეჭვიანობის გამო მოკლა ჰიაკინთოსი. მას ჰარპია პოდარგესგან ეყოლა ჯადოსნური ცხენები, რომლებსაც შემდგომ აქილევსი ფლობდა.
პოეტები ზეფიროსს მშვიდი და საამო სიოს მნიშვნელობით იხსენიებენ თავიანთ ქმნილებებში.
