ზამთრის სოკო
NPLG Wiki Dictionaries გვერდიდან
ზამთრის სოკო (ლათ. Flammunila velutipes (Fr) Karst. რუს. Зимний гриб)
ქუდი – 2-10 სმ დიამეტრისაა, ბრტყელი, ტიტველი, ლორწოვანი ზედაპირით, ყვითელი, ცენტრში მოყავისფრო. ფირფიტები მეჩხერი, განიერი, მოყვითალოა.
ფეხი – 5-8 სმ სიგრძისა და 0,5-0,8 სმ სისქისაა, ცილინდრული, ძირში დაწვრილებული, ბოჭკოვან-ხავერდოვანი ზედაპირით, ქუდისკენ მოყვითალო, ძირისკენ ყავისფერი, ძირში შავი.
რბილობი – თეთრი, მოყვითალო იერით.
სპორები – ელიფსისებრი, უფერული, 8-9X4,5-8 მკმ.
იზრდება ჯგუფურად დამპალ ხეებზე, იშვიათად ზაფხულში, ჩვეულებრივ კი – გვიან შემოდგომიდან, ზოგჯერ მთელი ზამთრის განმავლობაში, განსაკუთრებით ვერხვსა და ტირიფზე.
კარგი საჭმელი სოკოა, იხმარება ახალი. მისდევენ მის ხელოვნურად მოშენებას.