ვიბრაციული სატკეპნი
NPLG Wiki Dictionaries გვერდიდან
ვიბრაციული სატკეპნი – მასალების შესამჭიდროებელი დანადგარი იმპულსების ენერგიით, რომელიც ნაწილაკებს ანიჭებს აჩქარებას და აღძრავს ინერციის ძალებს. ნაწილაკების ურთიერთგადაადგილება იწვევს ნარევის შემჭიდროებას. გლუვვალცებიანი ვიბრაციული თვითმავალი სატკეპნები მასით 6-8 ტ გამოიყენება ასფალტბეტონის, ხრეშისა და სხვ. მასალების საგზაო საფრების შესამჭიდროებლად. ვიბრაციული სატკეპნი აღჭურვილია ვიბროვალცის რხევის ამპლიტუდის სარეგულირებელი მოწყობილობით. არსებობს თვითგადაადგილებადი (ბენზინის ან დიზელის ძრავით) და ხელის.