ეპოდოსი
NPLG Wiki Dictionaries გვერდიდან
ეპოდოსი − (ბერძნ. epodos, epi – ზე, ode – სიმღერა) – ბერძნულ დრამაში ქოროს მიერ შესასრულებელი ჰიმნის დასკვნითი ნაწილი. მოსდევდა სტროფს და ანტისტროფს. ჰქონდა განსხვავებული რიტმი. დრამაში მის შემომტანად მიიჩნევენ პინდარეს. შემდეგ ეპოდოსი ეწოდა იამბური ტრიმეტრითა და იამბური დიმეტრით გაწყობილ ორტაეპიან ლირიკულ ლექსს, რომელშიც გრძელ ტაეპს მოყვებოდა მოკლე. მისი შემოღება მიეწერება არქილოქეს, რომლის გავლენა ეტყობა ჰორაციუსის ეპოდებს (ოდების 5 წიგნი). ევროპულ ლიტერატურაში დამკვიდრდა გრძელი და მოკლე ტაეპისაგან შემდგარი ორტაეპიანი ეპოდოსი.
