დორიული კომედია
NPLG Wiki Dictionaries გვერდიდან
დორიული კომედია – ძვ.წ. 6-5 სს. ძველბერძნული კომედიის ნაირსახეობა; აღმოცენდა დორიულ ქალაქში მეგარა. დორიული კომედიის შესახებ არისტოტელეს გამონათქვამების გარდა, სხვა წყაროები შემორჩენილი არ არის. დორიულ კომედიაში წარმოადგენდნენ ყოფით სცენებს ხალხური ფარსის ტრადიციული პერსონაჟების მონაწილეობით: სოფლელი თაღლითი, ექიმი-შარლატანი, ძუნწი, ბაქია მეომარი და (ა.შ.)
ძვ.წ. მე-5 ს. ათენელი კომედიოგრაფები უპირატესობას აძლევდნენ ძველატიკურ კომედიას და დორიული კომედიის მიმართ ჰქონდათ დამცინავი დამოკიდებულება. დორიულმა და განსაკუთრებულ აღმავლობას მიაღწია დორიელების მიერ დაპყრობილ სიცილიაში, პოეტ ეპიქსარმოსის შემოქმედებაში.