დეტოქსიკაცია

დეტოქსიკაცია - (detoxification)

1. პროცესი, რომლის შედეგად ინდივიდი თავისუფლდება ფსიქოაქტიური ნივთიერების მავნე ზემოქმედებისაგან.

2. ნივთიერების აღკვეთის უვნებელი და ეფექტური ფორმით განხორციელებული კლინიკური პროცედურა, რომელსაც მინიმუმამდე დაჰყავს აღკვეთის სიმპტომები.

დაწესებულებებს, რომლებშიც ტარდება აღნიშნული პროცედურა, ხშირ შემთხვევაში ეწოდება დეტოქსიკაციის ცენტრი, დეტოქსცენტრი ან გამოსაფხიზლებელი (Soberingup station).

როგორც წესი, დეტოქსიკაციის დასაწყისში ინდივიდი იმყოფება ინტოქსიკაციის ან უკვე აღკვეთის მდგომარეობაში. დეტოქსიკაცია შესაძლებელია განხორციელდეს მედიკამენტების გამოყენებით ან მათ გარეშე. დეტოქსიკაციისათვის გამოყენებულ მედიკამენტებს აქვს ჯვარედინი ტოლერანტობა , ან ჯვარედინი დამოკიდებულება პაციენტის მიერ გამოყენებული ნივთიერების მიმართ. დოზის შერჩევა ხდება იმგვარად, რომ მოიხსნას აღკვეთის სინდრომი და არ განვითარდეს ინტოქსიკაცია. კლინიკური პროცედურა გულისხმობს, რომ დეტოქსიკაციის პროცესში პაციენტი უნდა იმყოფებოდეს დაკვირვების ქვეშ ინტოქსიკაციის ან აღკვეთის სინდრომის სიმპტომების სრულ გაქრობამდე.

ტერმინი „თვითდეტოქსიკაცია“ გამოიყენება იმ შემთხვევაში, როდესაც ინტოქსიკაციით ან აღკვეთის სინდრომით გამოწვეული სიმპტომების უკუგანვითარება სხვათა დახმარების გარეშე ხდება.

წყარო

ჯანდაცვის მსოფლიო ორგანიზაციის ფსიქიატრიის ლექსიკონები