დალოცვა
NPLG Wiki Dictionaries გვერდიდან
დალოცვა – პოეტური სადღეგრძელო, ჩამოყალიბებული რიტმული წყობით, უმთავრესად გარითმული ლექსით. ყველაზე გავრცელებულია საქორწილო დალოცვები, განსაკუთრებით ნეფე-დედოფლის მისამართით:
- ღმერთო დღეგრძელობა მიე
- აქა ბრძანებელსა,
- ნეფესა და დედოფალსა
- სახე მშვენიერსა...
ძველად პოპულარობით სარგებლობდა აგრეთვე მესტვირული დალოცვები, რომელთა ადრესატი განუსაზღვრელი იყო:
უფალმა ღმერთმა შენ მოგცეს ოჯახი საძირკვლიანი, ხარ-კამეჩი გუთნებითა, ურმები სავსე, ძნიანი. იმყოფებოდე ხალხმრავლად, დედ-მამა-რძლიან–ძმიანი, ლამაზი შემოგეყვანოს - მშვენიერი და ჭკვიანი.
ჯ. ბარდაველიძე
