გრომოვა პელაგია
NPLG Wiki Dictionaries გვერდიდან
პელაგია გრომოვა − (Пелагея Кузьминична Громова, 1819-1887), რუსი მსახიობი.
სწავლობდა პეტერბურგის თეატრალურ სასწავლებელში (პ. კარატიგინის ჯგუფში). მისი დებიუტი შედგა 1838 წელს ალექსანდრინსკის თეატრში ბორმოტოვას გვარით. ალექსანდრინსკის თეატრის მსახიობია 1886 წლამდე. მისი კარიერა მეორეხარისხოვანი როლების შესრულებით დაიწყო, მოგვიანებით კი სახასიათო და კომედიურ როლებს თამაშობდა. 1850-იან წლებში დაკავებული იყო ალექსანდრე ოსტროვსკის საპრემეირო სპექტაკლებში (ოსტროვსკის 10-მდე პიესაში ითამაშა ზრდასრული და მოხუცი ქალების როლები). მისი მეუღლე მსახიობი ვასილი გრომოვი გახლდათ, რომელიც ამავდროულად პეტერბურგის თეატრალური სასწავლებლის მასწავლებელი იყო.
