გეტინგენის ბიბლიოთეკა
NPLG Wiki Dictionaries გვერდიდან
გეტინგენის ბიბლიოთეკა − გეტინგენის სახელმწიფო და საუნივერსიტეტო ბიბლიოთეკა რომელიც ცნობილია Sub Göttingen-ის სახელწოდებით, დაარსდა 1734 წელს. არქივების რაციონალური ორგანიზაციის წყალობით იგი მალევე გადაიქცა გერმანიის აკადემიური ბიბლიოთეკების პროტოტიპად. იგი გერმანიის ერთ-ერთ უდიდეს ბიბლიოთეკათა რიცხვს განეკუთვნება.
გეტინგენის ბიბლიოთეკაში დაცულია ხელნაწერ და ძველნაბეჭდ წიგნთა, ყდების, რუკების კოლექციები, აზიური და აფრიკული ბიბლიოთეკა. ამჟამად მის მფლობელობაშია 4,5 მლნ. წიგნი, 2900 აღმოსავლური ხელნაწერი. გეტინგენის ბიბლიოთეკის აღმოსავლურ ფონდშია დაცული ქართული ხელნაწერი ფრაგმენტიც.
იხილე აგრეთვე
გეტინგენის ბიბლიოთეკაში დაცული ქართული ხელნაწერები
