განიერფირფიტიანი უდემანსიელა
NPLG Wiki Dictionaries გვერდიდან
განიერფირფიტიანი უდემანსიელა (ლათ. Oudemansiella platyphylla (Fr.) Moser. რუს. Денежка широкопластинчая)
ქუდი – 5-15 სმ დიამეტრისაა, ბრტყლად ამოზნექილი, განიერი ბორცვაკით, დამსკდარი ზედაპირით, ტიტველი ან რადიალურად ბოჭკოვანი, მონაცრისფრო-ყავისფერი. ფირფიტები ოდნავ შეზრდილი, თითქმის თავისუფალი, განიერი, მოთეთრო.
ფეხი – 7-12 სმ სიგრძისა და 1-2 სმ სისქისაა, ბოჭკოვან-ხრტილოვანი, ძირში მთავრდება რიზოიდებით, თეთრია ნაცრისფრამდე.
რბილობი – თეთრია, განსაკუთრებული გემოს გარეშე.
სპორები – სფეროსებრი, უფერული, 7-8X6-7 მკმ.
იზრდება დამპალ ხეებზე და მათ ახლოს, ადრე გაზაფხულიდან გვიან შემოდგომამდე. გამოიყენება საჭმელად ახალი, მხოლოდ ქუდი.