ბოსტაშვილი ვასილ
NPLG Wiki Dictionaries გვერდიდან
ბოსტაშვილი ვასილ – (1973), პოეტი, მხატვარი, ისტორიკოსი. დაიბადა თბილისში. 1991-96 წლებში სწავლობდა არისტოტელს სახელობის ბერძნულ-ქართულ უნივერსიტეტში, შემდეგ სწავლა განაგრძო თსუ-ს ასპირანტურაში, ძველი მსოფლიოს ისტორიის კათედრაზე. გამოცემული აქვს სამი კრებული: „მწუხარე ეკლესია”, „მონატრებისფერი ღამე” და „ვარსკვლავეთი”.
- * * *
- ვიგრძენი წვიმის შრიალი,
- ტყეში რომ იცის ისეთი,
- სიღრმე უჩუმარ სიჩუმის,
- ხმა უცნაური სიმღერის...
- ზეცა ავივსე ტრფიალით,
- წვიმამ რომ იცის იმ სევდით,
- უსიხარულო სიხარულს,
- უსიმღერობით ვიმღერდი...
- ცრემლებით სავსე ლამაზმანს
- მე უგზო-უკვალოდ მივსდევდი,
- მივსდევდი, მაგრამ დაწევნას
- ნამდვილად არ ვაპირებდი...
- და სიშორიდან მის ასეთ
- შორეულობას ვითმენდი,
- მსიამოვნებდა გალუმპულს
- ყოფნა უსაზღვრო იმედით..