ბორალარი

ბორალარ-ი (ბალყ.-ყარაჩ. Боралар – ბორაები) – ბალყარულ-ყარაჩული ნართული ეპოსის ოთხი გვარიდან ერთ-ერთი, რომელიც მისი დამაარსებლის – ბორას – სახელს ატარებს. ზოგიერთი თქმულებით, ბორა ძლევამოსილი და მდიდარი ნართი თავადია და უთვალავ ცხენებს ფლობს; ჰყავს 60 ურჩხულისაგან შემდგარი დაცვა. ბორალარი, რომელიც ოსურ ბორათებს შეესაბამება, ბალყარულ-ყარაჩულ ეპოსში ისეთ მნიშვნელოვან როლს ვერ თამაშობენ, როგორსაც ალიქებისა და სხურთუქების გვარები.

ლიტერატურა

• Дюмезиль Ж. Осетинский эпос и мифология. М., 1970;
• Джуртубаев М. Ч. Мифология и эпос карачаево-балкарского народа. Древние верования балкарцев и карачаевцев. Карачаево-Балкарский героический эпос. Нальчик, 2011.

წყარო

კავკასიის ხალხთა მითები და რიტუალები