ბიუსტი
NPLG Wiki Dictionaries გვერდიდან
ბიუსტი – (ფრანგ. buste ), ადამიანის ზედატანის გამოსახულება მრგვალ ქანდაკებაში. სკულპტურული პორტრეტის ყველაზე გავრცელებული სახეობა. ჩამოყალიბებული სახე მიიღო ძველ რომში, სადაც ბიუსტს დასადგმელი გაუკეთეს, შემდეგ ფართოდ გავრცელდა აღორძინების ეპოქასა და მომდევნო პერიოდში. პორტრეტული ბიუსტის ცნობილი მოქანდაკეებია: დონატელო, ჯოვანი ლორენცო ბერნინი, ფრანსუა ოგიუსტ რენე როდენი, ჟან ანტუან ჰუდონი, სამუელ გალბერგი (რუსეთის ფედერაცია), იაკობ ნიკოლაძე და სხვ.