ბერნსტაინი ლეონარდ
ბერნსტაინი ლეონარდ - Leonard Bernstein (25. VIII. 1918, ლორენს, მასაჩუსეტსის შტატი, აშშ, – 14. X. 1999, ნიუ-იორკი), ამერიკელი დირიჟორი, კომპოზიტორი, პიანისტი, მუსიკალური მწერალი, პედაგოგი. უ. პისტონის (კომპოზიცია), ფ. რეინერის და ს. კუსევიცკის (დირიჟორობა) მოწაფე. ნიუ-იორკის ფილარმონიული ორკესტრის მთავარი დირიჟორი (1958-69).
1944-იდან გასტროლებს მართავდა მსოფლიოს მრავალ ქვეყანაში. მე-20 ს. II ნახევრის ერთ-ერთი ყველაზე თვალსაჩინო დირიჟორი, კლასიკოსი და თანამედროვე მუსიკის შესანიშნავი ინტერპრეტატორია. ერთდროულად გამოდოდა როგორც საფორტეპიანო პარტიის შემსრულებელი საკუთარ და კლასიკურ საორკესტრო ნაწარმოებში. საკომპოზიციო მოღვაწეობას იწყებს 1942-იდან. ფართოდ ცნობილია მისი მიუზიკლები, განსაკუთრებით „ვესტსაიდის ისტორია“ (1957, ნიუ-იორკი, გადაღებელია ფილმი).
მის მუსიკაში ოსტატურად არის შერწყმული ჯაზის, ზანგური, მექსიკური და ა.შ. ხალხური სიმღერების ჰარმონიული, რიტმული და სხვ. თავისებურებები. იყენებს ქუჩურ სიმღერებს, როკ-ნ-როლს.
სხვა მნიშვნელოვანი ნაწარმოებია:
- ოპერა „მღელვარება ტაიტიზე“ (1952),
- ოპერა „წყნარი ადგილი“ (1986),
- ოპერეტა „კანდიდი“ (1956),
- ბალეტები,
- 5 სიმფონია და სხვ.
ავტორია წიგნისა – „მუსიკა-ყველას“ (ითარგმნა რუსულად 1978).