ბარიე პიერ
NPLG Wiki Dictionaries გვერდიდან
ბარიე პიერ - (ფრ. BARILLET PIERRE). XX საუკუნის ცნოებილი ფრანგი დრამატურგი და მწერალი. დაიბადა 1923 წელს პარიზში.
პიერ ბარიეს მრავალწლიანი შემოქმედებითი მეგობრობა აკავშირებდა ჟან-პიერ გრედისთან. რომელიც ჯერ კიდევ სტუდენტურ წლებში ჩაისახა პარიზის უნივერსიტეტის ფაკულტეტზე სწავლის დროს. მას შემდეგ, რაც მათ ერთობლივად შექმნეს პიესა - „ადელას ძღვენი“, რომელსაც 1949 წელს მიენიჭა ტრისტან ბერნარის თეატრალური პრემია.
ამ ცნობილმა ფრანგულმა დრამატურგიულმა დუეტმა ერთობლივად ოცზე მეტი ნაწარმოები შექმნა, რომლებმაც მათ თანამედროვე ფრანგული კომედიის უბადლო ოსტატების სახელი მოუხვეჭა.
მათი მიერ შექმნილი ყველაზე ცნობილი ნაწარმოებებია:
- „მეგობარი-მეგობარი“ (1950);
- „ესეც ასე“ (1953);
- „კალამი“ (1954);
- „გიჟი ამანდა“ (1971);
- „კარდი საუზმეზე“ (1973);
- „ძროხის ტყავი“ (1975);
- „საყვარელო“ (1978) და სხვ.
