ბანისხევი (მდინარე)
NPLG Wiki Dictionaries გვერდიდან
ბანისხევი – მდინარე საქართველოში, ბორჯომის მუნიციპალიტეტში, მტკვრის მარცხენა შენაკადი. სიგრძეა 16 კმ, აუზის ფართობი 49.2 კმ2, წყლის საშუალო ხარჯი 1.73 მ3/წმ. სათავე აქვს ლომისმთის (აჭარა-იმერეთის ქედი) სამხრეთ ფერდობზე, ზღვის დონიდან 1992 მ სიმაღლეზე. მტკვარს ერთვის ბორჯომის მუნიციპალიტეტის სოფ. რველის მახლობლად. მიედინება წიწვიან და შერეულ ტყეებით შემოსილ ღრმა და ვიწრო ხეობაში.