აჭარლები

აჭარელ მამაკაცთა ტიპები
ხარიტონ ახვლედიანის სახელობის აჭარის მუზეუმი, 1937 წელი)

აჭარლები — ქართული მოსახლეობა, რომელიც აჭარაში ცხოვრობს. ქართველი ხალხის ტერიტორიულ-ეთნოგრაფიული ჯგუფის წარმომადგენლები - აჭარლები ქართული ენის აჭარულ დიალექტზე მეტყველებენ. გამოიყოფა ორი კილოკავი: ზემოაჭარული და ქვემოაჭარული.

აჭარაში ოსმალთა მმართველობის შედეგად, გვიანი შუასაუკუნეების გარკვეული მონაკვეთიდან 1878 წლამდე, აჭარლების ერთმა ნაწილმა ისლამი აღიარა. ამის მიუხედავად აჭარლებმა ეროვნული თვითშეგნება, მშობლიური ენა, თვითმყოფადი კულტურის და ყოფაცხოვრების ფორმები სათუთად შეინარჩუნეს. დღევანდელი ქვემო აჭარლების უმეტესი, ხოლო ზემო აჭარლების გარკვეული ნაწილი, მართლმადიდებელი ქრისტიანია. ქრისტიანული სარწმუნოება, განსაკუთრებით სწრაფი ტემპებით, ზემო აჭარის ახალგაზრდებშიც იკიდებს ფეხს. აჭარლები გარეგნულად საშუალოზე მაღლები არიან, სწორი აგებულებით, თხელი სახით, სწორი ცხვირით, ღია ფერის თვალებითა და ღია ქერა თმით. ამჟამად საქართველოში მცხოვრები 3.600.000 ქართველიდან დაახლოებით 460.000 ქართველი - აჭარული ეთნოგრაფიული ჯგუფის წარმომადგენელია.

წყარო

ქართველი ხალხის ეთნოლოგიური ლექსიკონი აჭარა