აფჰუს ამწარსრა
NPLG Wiki Dictionaries გვერდიდან
აფჰუს ამწარსრა (აფჰჲჷს ამწარსრა) - აფხ. ქალის მოტაცება (საქორწინოდ). ქალის მოტაცების შედეგად ქორწინებას ამაძა „საიდუმლო“ ეწოდებოდა. თუ მშობლებს ეს მოტაცება მიაჩნდათ დანაშაულად, მაშინ ასეთ საქორწინო ურთიერთობებში ჩვეულებითი სამართლის ნორმები გამოიყენებოდა. აქედან გამომდინარე, ჩვეულებითი სამართლის ინსტიტუტის გადასაწყვეტი ხდებოდა აჩმა (მამაკაცის გადასახადი საცოლის მშობლებისათვის), მოგვიანებით მზითევიცა და სათავნოს და საქორწინო საჩუქრების რაოდენობაც. ყოველი ქმედება, რიტუალი გათვლილი იყო სამართლის ნორმებით, რომლის დაცვა საზოგადოების ვალდებულება იყო.
