აფსკური მინა
NPLG Wiki Dictionaries გვერდიდან
აფსკური მინა – მოქნილი, თხელი (სისქე 10-200 მკმ) ბრტყელი მინა, რომლის მექანიკური სიმტკიცე რამდენჯერმე აჭარბებს მასიური სილიკატური მინის სიმკვრივეს. გამოირჩევა მაღალი თბომედეგობითა და შუქგამტარობით. მიიღება თხევადი მინის მასის გამოწელვით (ლენტის სახით) ზევიდან ქვევით მაფორმირებელი მოწყობილობის მეშვეობით. გამოიყენება ელექტროსაიზოლაციო და მაღალტემპერატურული ქაღალდის, მაღალხარისხოვანი კონდენსატორების, მიკროსკოპის საფარის დასამზადებლად და სხვ.
