არსენი (მხატვარი)
NPLG Wiki Dictionaries გვერდიდან
არსენი – (XIV ს.), ქართველი მხატვარი. 1381 წ. მოხატა ჭულეს წმ. გიორგის ეკლესია. ტაძრის ჩრდილო-დასავლეთი ბურჯის სამხრეთ პირზე თეთრი საღებავით შავ ფონზე შესრულებულია წარწერა, სადაც მითითებულია ტაძრის მოხატვის თარიღი და მხატვრის სახელი: „შეწევნითა ღმრთისაჲთა და წმიდისა გიორგი ჭულისაჲთა სრულ იქმნა ეკლესია ესე ჭულისაჲ ხატებითა ჴელითა მხატვრისა არსენი თ[......]თა: შეუნდვნეს ღმერთმან [„...] აჲთა,“ მხატვრის სადაურობის დადგენა, მიუხედავად არსებული მოსაზრებებისა, წარწერის ფრაგმენტულობის გამო ვერ ხერხდება.
არსენის ფრესკები წერის მანერითა და მხატვრულ-სტილისტური ნიშნებით შეიძლება ჩავთვალოთ „პალეოლოგოსთა ხანის“ ერთ-ერთ ნიმუშად, მაგრამ ბევრად უფრო მდარედ – სხვა ქართულ, თანადროულ ანალოგებთან შედარებით.
თ. სიჭინავა
ლიტერატურა
- ამირანაშვილი შ., ქართული ხელოვნების ისტორია, თბ., 1961;
- ბერიძე ვ., სამცხის ხუროთმოძღვრება, XIII-XVI საუკუნეები, თბ., 1955;
- მისივე, ძველი ქართველი ოსტატები თბ., 1967;
- Гордеев Д., Отчет о поездке в Ахалцихский уезд в 1917 году (Росписи в Чуле, Сапаре и Зарзме), Изв. КИАИ, 1, Тфл., 1923
არსენი მრავალმნიშვნელოვანი |