ართვინ-სომხითის ბელტის ჰიდროგეოლოგიური ოლქი
NPLG Wiki Dictionaries გვერდიდან
ართვინ-სომხითის ბელტის ჰიდროგეოლოგიური ოლქი – გრუნტის წყლების ჰიდროგეოლოგიურ ოლქი საქართველოს ტერიტორიის უკიდურეს სამხრეთ ნაწილში. მოიცავს ახალქალაქის ლავურ მთიანეთს, აბულ-სამსრისა და ჯავახეთის ქედებს. დიდი ყალშემცველობით გამოირჩევა ახალგაზრდა ლავური განფენები, სადაც მეზოზოურკაინოზოური ასაკის დანალექ და პალეოზოურამდელ კრისტალურ ქანებთან კონტაქტში ადგილი აქვს ნაპრალურ, ჰიდროკარბონატულ კალციუმიანი შედგენილობის მძლავრი გრუნტის წყლის (რამდენიმე მ3/წმ) ნაკადების წარმოქმნას. რამდენიმე პუნქტში გვხვდება: მლაშე-ტუტე ნახშირორჟანგიანი წყლები (ნაქალაქევი, ვარძია) მაღალი გაზშემცველობით ცარცულ ნალექებში და მცირე სიმძლავრის ნახშირორჟანგიანი წყლები ბაიოსის პორფირიტულ სერიაში.