ამაწურთა
NPLG Wiki Dictionaries გვერდიდან
ამაწურთა - აფხ. „მომსახურების ადგილი“; სამზადი. ეს არის ფიცრული ნაგებობა, რომელიც დღემდეა გავრცელებული. საცხოვრებლის გვერდით მდგარი მიწის იატაკიანი, კერიანი ნაგებობა. ზომა 6×4 მ. იგი ოჯახის ცხოვრების ცენტრი იყო. ყველა საოჯახო საქმე აქ კეთდებოდა, მით უმეტეს, საკვები. აქ სადილობდნენ და ვახშმობდნენ. ოჯახის უხუცესებს აქ ეძინათ. აფხაზეთში ფეოდალიზმის პერიოდში ფეოდალებს ამაწურთაში მცხოვრები მოსამსახურეები ემსახურებოდნენ.