ალ-ი

ალ-ი (თაბ. Ал) – მშობიარე ქალთა დემონ-ანტაგონისტი დაღესტნელ (თაბასარანელ) აზერბაიჯანელებში.; წარმოდგენილი ჰყავდათ მრავალფეროვანი ნაკრტენის მქონე მამლის ან გრძელთმიანი და ბრჭყალებიანი შიშველი ქალის სახით. ალი მშობიარეს ან მოლოგინებულს თავს ესხმის კრიტიკულ დღეებში, როცა იგი განსაკუთრებით დაუცველია (მშობიარობის დღეს ან მოლოგინებიდან 3 ან 40 დღის განმავლობაში); იხელთებს რა მომენტს, როცა ძილსმიცემული ქალი მარტო რჩება, მიეჭრება და ფილტვებსა და ღვიძლს ამოაცლის და ცდილობს, სასწრაფოდ უახლოეს წყალსაცავში ჩააგდოს. ქალი, რომელსაც აღნიშნული ორგანოები ამოცლილი აქვს, გონებას კარგავს, ენა უვარდება, ჭკუიდან იშლება და საბოლოოდ კვდება. ალისგან ქალის დაცვის მიზნით, მამაკაცები საკვამურში თოფებს ისვრიან და მას არ ტოვებენ. იმ ოთახში, სადაც მშობიარე ან მოლოგინებული იმყოფება, იატაკზე ფეტვს მიმოაბნევენ, მის ბალიშქვეშ ყურანს, პურს, ხანჯალს, დანას, მაკრატელს დებენ, ხოლო სასთუმალთან – დოქით წყალსა და ცოცხს.

ლიტერატურა

• Сефербеков Р. И. Номенклатура мифологических персонажей азербайджанцев Табасарана // Вестник Института истории, археологии и этнографии. Махачкала. 2014, № 3.

წყარო

კავკასიის ხალხთა მითები და რიტუალები