ალოგიზმი (სტილისტური ხერხი)
NPLG Wiki Dictionaries გვერდიდან
ალოგიზმი — (ბერძნ. a – უარყოფის ნაწილაკი და logos – გონება), ლიტერატურულ-სტილისტური ხერხი, რომელიც ხასიათდება მეტყველების ალოგიკური დანაწევრებით, ლოგიკური კავშირების დარღვევით სიტყვათა კონსტრუქციებსა, ფრაზებსა თუ დიალოგთა ცალკეულ ნაწილებს შორის. ჩვეულებრივ, გამოიყენება კომიკური ეფექტის მისაღწევად.
ალოგიზმი ხალხური დრამის არსებითი ელემენტია, განსაკუთრებით მნიშვნელოვანია მისი როლი საესტრადო-საცირკო დრამატურგიაში (ჯამბაზურ რეპრიზებში, დიალოგურ კონფერანსიებში, სატირიკულ მონოლოგებში და ა. შ.) ალოგიზმი ძირითადი ხერხია აგრეთვე ექსცენტრიკაში (ცირკში, ესტრადაზე).