აზრების ჩანერგვა
NPLG Wiki Dictionaries გვერდიდან
აზრების „ჩანერგვა” არის ბოდვა, რომლის დროსაც ზოგიერთი აზრი პაციენტის მიერ აღიქმება არა როგორც საკუთარი, არამედ გარეშე ძალის მიერ ჩანერგილი. ხშირია მასთან ასოცირებული განმარტებითი ხასიათის ბოდვა. მაგ., მდევარი იყენებს რადიოტალღებს პაციენტისთვის აზრების ჩასანერგად. ეს გამოცდილება არ უნდა აგვერიოს ობსესიის მქონე პაციენტის გამოცდილებასთან. ობსესიის მქონე პაციენტი შეიძლება წუხდეს ისეთი აზრების გამო, რომლებიც მისი ბუნებისთვის უცხოა, თუმცა, მას არასოდეს ეპარება ეჭვი იმაში, რომ ეს აზრები მას ეკუთვნის. პაციენტს, რომელსაც აზრების „ჩადების” ბოდვა აქვს, ჰგონია, რომ ეს აზრები მას კი არ ეკუთვნის, არამედ სხვის მიერაა მის გონებაში ჩანერგილი.
იხილე აგრეთვე
ბოდვა რომელიც აზრების მიკუთვნებულობას ეხება
