ქართველი დიპლომატი, მეცნიერი, პოლიტიკოსი დაიბადა თბილისში 1961 წლის 24 ივნისს.
1983 წელს დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი, ხოლო 1986 წელს - ასპირანტურა. სადისერტაციო თემა - "ადრექრისტიანული ქართლის კულტურები III-V ს-ში".
1986-1992 წლებში იყო საქართველოს მეცნიერებათა აკადემიის გიორგი წერეთლის სახელობის აღმოსავლეთმცოდნეობის ინსტიტუტის მეცნიერ თანამშრომელი.
1989-1991 წლებში წმინდა ილია მართლის საზოგადოების წევრი.
1992-2005 წლებში ემიგრაცია შვეიცარიაში, ოფიციალური თარჯიმანი და ევრაზიის ექსპერტი შვეიცარიის მიგრაციის ფედერალურ უწყებაში.
2006-2019 წლებში პოლიტიკური მოძრაობა "თავისუფლების" თავმჯდომარე. 2007 წელს გაერთიანებული ოპოზიციის ერთ-ერთი ლიდერი.
2009-2012 წლებში საქართველოს მე-7 მოწვევის პარლამენტის წევრი, საარჩევნო ბლოკი: "გაერთიანებული ოპოზიცია (ეროვნული საბჭო, მემარჯვენეები)". ამავე წლებში საქართველოს პირველი პრეზიდენტის, ზვიად გამსახურდიას გარდაცვალებასთან დაკავშირებული საკითხების შემსწავლელი დროებითი კომისიის თავჯდომარე.
2015-2019 წლებში მოწვეული პროფესორი ქართულ-ამერიკულ უნივერსიტეტში.
2019-2024 წელს იყო საქართველოს საგანგებო და სრულუფლებიანი დესპანი გერმანიის ფედერაციულ რესპუბლიკაში; საქართველოს საგანგებო დავალებათა ელჩი შვეიცარიის კონფედერაციაში.
არის ისტორიის მეცნიერებათა დოქტორი, ასოცირებული პროფესორი, რამდენიმე წიგნისა და ფილმის ავტორი. 2023 წელს მიენიჭა ლიტერატურული პრემია "მუზა" „სამშობლოსა და ერი-სახელმწიფოსთვის – ზვიად გამსახურდიას ბიოგრაფიული პორტრეტი“ წლის საუკეთესო დოკუმენტური პროზა/ესესთვის.
2024 წლის იანვარში დაინიშნა საქართველოს პარლამენტის ეროვნული ბიბლიოთეკის გენერალურ დირექტორად.