რიბენტროპი იოახიმ
იოახიმ ფონ რიბენტროპი – (1893-1946), ნაციონალ-სოციალისტური გერმანიის ერით-ერთი მესვეური. 1930-დან ნაცისტურ პარტიას მიემხრო და მალე ჰიტლერთან დაახლოებული პირი გახდა. გერმანიის ხელისუფლების სათავეში ნაციონალ-სოციალისტების მოსვლის შემდეგ (1933) იგი საგარეო საქმეებში პარტიის ზედაფენის დავალებების შემსრულებელი სპეციალური ბიუროს ხელმძღვანელი ხდება. 1936-38 ასრულებდა გერმანიის ელჩის მოვალეობას ლონდონში. 1938 წლის თებერვლიდან 1945 წლის მაისის პირველ რიცხვებამდე იყო გერმანიის საგარეო საქმეთა მინისტრი. ხელმძღვანელობდა ჰიტლერელთა აგრესიის უმნიშვნელოვანესი აქტების დიპლომატიურ მომზადებას. ნიურნბერგის პროცესში, საერთაშორისო სამხედრო ტრიბუნალის განაჩენის თანახმად, როგორც ნაციონალ-სოციალისტური გერმანიის ერთ-ერთი მთავარი სამხედრო დამაშავე, სიკვდილით დასაჯეს.
