პაქტა სუნტ სერეანდა
პაქტა სუნტ სერეანდა – (ლათ. Pacta sunt servanda – ხელშეკრულება უნდა სრულდებოდეს), საერთაშორისო სამართლის ერთ-ერთი ძირითადი პრინციპი, რომლის თანახმად მხარეებმა კეთილსინდისიერად უნდა შეასრულონ საერთაშორისო ხელშეკრულებებიდან გამომდინარე ვალდებულებები, რაც საერთაშორისო ურთიერთობების სტაბილურობის გარანტი იქნება. პრინციპის დარღვევა იწვევს საერთაშორისო-სამართლებრივ პასუხისმგებლობას.
პაქტა სუნტ სერეანდა ეხება მხოლოდ იმ საერთაშორისო ვალდებულებებს, რომლებიც მიღებულია საერთაშორისო სამართალთან სრული შესაბამისობით, მისი მოქმედება არ ვრცელდება არათანასწორობის საწყისებზე დადებულ საერთაშორისო ხელშეკრულებებზე. პრინციპი პაქტა სუნტ სერეანდა დაფიქსირდა გაეროს წესდებაში, ვენის კონვენციაში საერთაშორისო ხელშეკრულებების შესახებ 1969, ევროპაში უშიშროებისა და თანამშრომლობის თათბირის დასკვნით აქტში 1975 და სხვა საერთაშორისო დოკუმენტებში.
