რორშარხი ჰერმან
რორშარხი ჰერმან - Rorschach Hermann, Роршах Германн, 1884-1922
შვეიცარელი ფსიქიატრი და ფსიქოლოგი, საყოველთაოდ ცნობილი მელნის ლაქების ტესტის ავტორი, რომელსაც მისი სახელი ეწოდა. ხმარებაში შემოიტანა ტერმინი „ფსიქოდიაგნოსტიკა”. სწავლობდა ციურიხში ე. ბლოილერთან და კ.გ. იუნგთან. მუშაობდა შვეიცარიის სხვადასხვა კლინიკაში ფსიქიატრად. იყო შვეიცარიის ფსიქოანალიზური საზოგადოების ვიცე-პრეზიდენტი. რორშარხის ტესტი მიჩნეულია პიროვნების ფსიქოდიაგნოსტიკის, მისი სტრუქტურის და არაცნობიერი მოტივაციის კვლევის ერთერთ საუკეთესო ინსტრუმენტად. რორშარხის კვლევამ იმპულსი მისცა ფსიქოდიაგნოსტიკაში პროექციული ტესტების მიმართულების განვითარებას.
წყარო
ფსიქოლოგიის ქართული ლექსიკონი
სტატიის ავტორი - ირაკლი იმედაძე, დიმიტრი უზნაძის სახელობის საქართველოს ფსიქოლოგთა საზოგადოება.
ლექსიკონი შეიქმნა შოთა რუსთაველის ეროვნული სამეცნიერო ფონდის გრანტით.
