მუსეიონი
NPLG Wiki Dictionaries გვერდიდან
მუსეიონი – თანამედროვე მუზეუმი. თავდაპირველად ასე უწოდებდნენ მუზათა წმინდა ადგილებს, მუზათა ტაძრებს, ხელოვნების ქმნილებებისათვის განკუთვნილ ნაგებობებს. მუსეიონი ანტიკური საბერძნეთის მრავალ ქალაქში არსებობდა. საყოველთაოდ იყო ცნობილი პტოლემაიოს სოტეროსის მიერ ძვ.წ. 280 წელს ალექსანდრიაში დაარსებული მუსეიონი, რომელმაც უდიდესი როლი შეასრულა ბერძნული კულტურის გავრცელების საქმეში. ამ მუსეიონის ბიბლიოთეკაში პაპირუსის შვიდასამდე გრაგნილი ინახებოდა. განათლებისა და კულტურის ეს დიდებული ძეგლი რომაელებმა გაანადგურეს, როდესაც ჩვ.წ. 273 წელს დაარბიეს ალექსანდრია.
