ეკნაჰოლი

ეკნაჰოლ-ი (სომხ. Երկնահոլ) – მიცვალებულის კულტთან დაკავშირებული სომხური წეს-ჩვეულება – საფლავზე გასვლა დაკრძალვის მეორე დღეს. სომხებს სწამდათ, რომ სიკვდილი არ იწვევს ადამიანის სამუდამო გაქრობას, არამედ იგი სიცოცხლის ერთი ფორმიდან მეორეში გადასვლაა, ამიტომ მიცვალებულს აუცილებლად სჭირდება კვება; ამას გარდაცვალებიდან პირველივე დღეს იწყებდნენ, როცა მკვდრის მკერდზე პურს დებდნენ; მეორე დღის დილით საფლავზე ძირითადად ჭირისუფალი და ნათესავი ქალები გადიოდნენ და თან საჭმელ-სასმელი მიჰქონდათ, რომელსაც იქვე ქვაზე დააწყობდნენ; გარდა აღნიშნულისა, მიცვალებულის სახელობის სუფრები მეშვიდე, მეორმოცე დღეებში და წლისთავზე იშლებოდა.

ლიტერატურა

• Харатян Гр. С., Мкртчян С, С. Праздничная культура: традиции и современность // Армяне. Ответственные редакторы: Л. М. Варданян, Г. Г. Саркисян, А. Е. Тер-Са-ркисянц. М., 2012;
• Чурсин Г. Ф. Армяне Зангезура (краткий этнографический очерк). Тб., 1931.

წყარო

კავკასიის ხალხთა მითები და რიტუალები