აღკვეთის მდგომარეობა
NPLG Wiki Dictionaries გვერდიდან
16:09, 31 აგვისტო 2018-ის ვერსია, შეტანილი Tkenchoshvili (განხილვა | წვლილი)-ის მიერ
აღკვეთის მდგომარეობა - (F1x.3), (withdrawal state), სხვადასხვა სიმწვავისა და კომბინაციის სიმპტომთა ჯგუფი, რომელიც აღმოცენდება ფსიქოაქტიური ნივთიერებების ხანგრძლივი და სისტემატიური მოხმარების შემდეგ, მათი მიღების სრული ან ნაწილობრივი შეწყვეტისას. მის დასაწყისსა და მიმდინარეობას აქვს გარკვეული დროის კრიტერიუმები და უშუალოდ დამოკიდებულია ნივთიერების სახესა და იმ დოზაზე, რომელიც გამოიყენებოდა მისი შეწყვეტის ან დოზის შემცირების წინ. აღკვეთის მდგომარეობა შესაძლოა კრუნჩხვებით ან დელირიუმით გართულდეს.
