ეთიოპია
ეთიოპია - (Ethiopia - ეთიოპიის ფედერალური დემოკრატიული რესპუბლიკა), სახელმწიფო ჩრდილო-აღმოსავლეთ აფრიკაში, წითელი ზღვის სანაპიროზე.
ფართობი - 1096 ათ. კმ2.
მოსახლეობა - 85 მლნ. კაცი (2012), შედგება 100 ეთნოსზე მეტი ხალხისაგან.
ოფიციალური ენა - ამჰარული.
დედაქალაქი - ქ. ადის-აბება.
ადმინისტრაციულად იყოფა 9 შტატად.
სახელმწიფოს მეთაური – პრეზიდენტი.
საკანონმდებლო ხელისუფლებას ფლობს პარლამენტი
აღმასრულებელს ხელისუფლება – მთავრობა.
ეთიოპია სუსტად განვითარებული აგრარული ქვეყანაა. ექპორტს წარმოადგენს ყავა.
იყენებს მეზობელი ქვეყნის პორტს - ჯიბუტს.
საერთაშორისო აეროპორტი - ადის-აბება.
შეიარაღებული ძალები საერთო შემადგენლობით 138 ათ. კაცი (2012), სახმელეთო ჯარები 135 ათ. და სამხედრო-საჰაერო ძალები 3 ათ. დაკომპლექტება ხორციელდება გაწვევით.
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი,2017