თარეში
NPLG Wiki Dictionaries გვერდიდან
15:03, 28 დეკემბერი 2017-ის ვერსია, შეტანილი Tkenchoshvili (განხილვა | წვლილი)-ის მიერ
თარეში - მოულოდნელი თავდასხმა მოწინააღმდეგეზე, ხმელეთსა და ზღვაზე საბრძოლო მოქმედებების წარმოების ერთ-ერთი ხერხი.
ხორციელდებოდა სწრაფად, მოკლე დარტყმით, უმეტეს შემთხვევაში ცხენოსანი ჯარის ძალებით. მიზნად ისახავდა ტყვეების აყვანას, ცოცხალი ძალის განადგურებას, მოწინააღმდეგის კომუნიკაციების დარღვევას, მნიშვნელოვანი ობიექტების დანგრევას. ახასიათებდა სწრაფი გაცლა საპასუხო მოქმედებების თავიდან ასაცილებლად.
თარეში გამოიყენებოდა ხმელეთზე XX საუკუნის დამდეგამდე, ხოლო ზღვაზე - I და II მსოფლიო ომების დროს.
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი,2017
