ახალი ზელანდია
ახალი ზელანდია - (New Zealand) სახელმწიფო წყნარი ოკეანის სამხრეთ-დასავლეთ ნაწილში. უკავია ორი დიდი კუნძული – ჩრდილოეთი და სამხრეთი (გამყოფი ყუყის სრუტე), სტიუარტი, ორი-კინგსი, ჩატემი, კერმადაკი და სხვა.
ფართობი: 270,5 ათ. კმ2.
მოსახლეობა: 4,36 მლნ. კაცი (2012), რომლის 75% არის ინგლისური წარმოშობის ახალზელანდიელები.
ოფიციალური ენა: ინგლისური.
დედაქალაქი: ქ. ველინგტონი.
ახალი ზელანდია შედის ბრიტანულ თანამეგობრობაში. სახელმწიფოს მეთაურია დიდი ბრიტანეთის მონარქი, წარმოდგენილი გენერალ-გუბერნატორით.
საკანონმდებლო ორგანო: ერთპალატიანი პარლამენტი.
აღმასრულებელი: მთავრობა.
ახალი ზელანდია განვითარებული ინდუსტრიულ-აგრარული ქვეყანაა, ხორცის, რძისა და ტყავის მსოფლიოს ერთ-ერთი უმსხვილესი ექსპორტიორი. შეიარაღებულ ძალებში არის 9,8 ათ. კაცი (2012), სახმელეთო ჯარები 5 ათ., სამხედრო-საჰაერო 2,6 ათ. და სამხედრო-საზღვაო ძალები 2,2 ათ. კაცი. დაკომპლექტება ხორციელდება დაქირავებით.
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი 2017