ძაღლნიორა
ძაღლნიორა – (Ornithogalum magnum Krasch. & Schisck.); ოჯახი: სუმბულისებრნი (Hyacinthaceae). მრავალწლიანი ბალახოვანი მცენარეა. ყვავილედი მრავალყვავილიანი მეჩხერი ცილინდრული მტევანია. თანაყვავილები ლანცეტაა. ყვავილსაფრის ფოთლები მოყვანილობით მოგრძო – ხაზურია, პატარა წვეტით დაბოლოებული, თეთრია, მურა ფერის ძარღვებიანი. ფოთლები ფართო ლანცეტა–ხაზურია, სიგრძით – 2-4 სმ. მცენარე ზოგჯერ 1 მ-ს აღწევს. ყვ. ნაყ. VI-VII. მცენარე კავკასიის ენდემია. იზრდება მთის ქვედა და შუა სარტყლებსა დაჩრდილულ ადგილებში, ფოთლოვან ტყეში. კახეთში მისი ნახვა შესაძლებელია სოფელ უჯარმის მიდამოებში. გავრცელებულია აფხაზეთსა და ქართლში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.