პრაჯაპატი
NPLG Wiki Dictionaries გვერდიდან
10:00, 10 ივლისი 2017-ის ვერსია, შეტანილი Tkenchoshvili (განხილვა | წვლილი)-ის მიერ
პრაჯაპატი – (ინდ.) „შემოქმედი მამა“, სამყაროს შემქმნელი, რომელიც ოკეანეში მირიადი წლების განმავლობაში მოტივტივე ოქროს კვერცხიდან გამოიჩეკა. როცა მისი მოვლინების დრო დადგა, მან შიგნიდან გამოტეხა კვერცხის ნაჭუჭი და გარეთ გამოვიდა, თუმცა გარე სამყარო არც კი არსებობდა, არ იყო არც მიწა, არც ცა და არც ის, რაც მათ შორისაა. ერთი წლის შემდეგ პრაჯაპატიმ ისწავლა ლაპარაკი და პირველი სიტყვა, რაც მან წარმოთქვა იყო ბჰუ, რაც ნიშნავს „მიწას“, და გაჩნდა მიწა; მეორედ მისი წარმოთქმული სიტყვა იყო ბჰუვაჰ, ანუ „ჰაერი“, და გაჩნდა ჰაერი, მესამე წარმოთქმულ სიტყვაზე სვარ – „ცა“ გაჩნდა ცა. ასე შექმნა პრაჯაპატიმ სამყაროს სამი სკნელი.